Aaj bhi tapti dhoop ka sehra
tere naram laboon ki shabnam
Saye se mehroom raha
Aaj bhi pather hijer ka lamha sadioon se be-khawab rutoon ko
Aankhoon ka mefhoom raha
Aaj bhi Apnay wasal ka tara
Raakh urati shokh shafaq ki manzil se mah-dhoom raha
Aaj bhi sheher main pagal dil ko
teri deed ki Aas rahi
mudat se ghum sum tanhye, Aaj bhi mairay pass rahi

“Aaj bhi Sham udass rahi”

Bas gaya maira dil un khushgawar Aankhoon main
milli jo un se nazer bana mizar Aankhoon main

Tuwaff kerti jo rehti thi Char soo Sab ka
phir na koi basa in beqarar Aankhoon main

Wo maghrabi tahzeeb main mashraqi gharan thi
yeah hi thi sharam-o-haya in hazar Aankhoon main

buhat Talash kia rah-e-wafa main yaro
milla wo na khuda un sougwar Aankhoon main

ab yeah jaan ker Ali main nahi likhta
wo jhank le na kahien in ghunahgar Aankhoon main

Aaj mousam ne dee jashan-e-muhabbat ki khaber
phoot ker ronay lagay hain main muhabbat aur tum

hum ne joonhi ker liya mehsoos manzil hai kareeb
Rastay khonay lagay hain main muhabbat aur tum

chand ki kirnoon ne hum ko is tarah bhoosa diya
deevata honay lagay hain main muhabbat aur tum

Aaj phir mehroomioon ki dastan Orde ker
Khak main sonay lagay hain main muhabbat aur tum

kho gay andaz bhi, Awaz bhi , Alfaz bhi
khamoshi dhoondnay lagay hain main muhabbat aur tum

Duniya Waloon ne Chahat ka mujh ko silla anmol diya
Pairoon main zanjerien dhalien hathoon main kashkool diya

itna gehra rang kahan tha raat ke mailay anchal ka
yeah kis ne ro ro ke, gagan main apna kajal ghole diya

yeah kia kum hai us ne bakhsha aik mehkta door mujhe
wo bhi hain jinko bas rangoon ka ik chamkeela khool diya

mujh se be-maya , apnoon ki aur to khatir kia kerta
jab bhi sitam ka peeka’n aya, main ne seena khol diya

beetay lamhay dehan main aa ker mujh se sawali hotay hain
tu ne kis banjer matti main man ka amrat ghol diya

ashkoon ki ujli kaliyan hoon yaan sapnoon ke kundan phool
ulfat ki meezan main mein ne jo tha sab kuch tool diya

Sach yeah hai bekar humien gham hota hai
jo chaha tha duniya main kum hota hai

dhalta suraj phaila jungal rasta kum
hum se pochho kaisa aalam hota hai

ghairoon ko kab fursat hai dukh dainay ki
jab hota hai koi hum dum hota hai

zakham to hum ne in aankhoon se dekhe hain
logoon se suntay hain marham hota hai

zehan ki shakhon per ashar aa jatay hain
jab teri yaadoon ka mousam hota hai

“Kabhi Dekha hai”
Chilmun ke sitaroon ko Ankhoon main Chumktay hoye ?

“Kabhi dekha hai”
Dhanak ke rangoon ko chehray per utertay hoye?

“Hum nien Dekha hai”
Jub Jub —– Us nien maira naam liya
Jub Jub—— Mairay muhabbat nien hisaar ban ke us ko thaam liya

Janna Tum ne apnay khut main
Thehray thehray lafzoon main
Kuch likha kuch chorde diya
yoon lagta hai lafzoon ko
Tum nien maiyni ke dur pe
laa ker wapis morde diya
“Aur phir”
Alfaaz kahan kuch keh patay hain
yeah adraak ki sakhet zameen pe
ik sarhud pe ruk jatay hain
main alfaaz nahien perty
Main to bas wo perty hoon
jo sutroon ke beech likha hai

Us nien door rehnay ka mashwara bhi likha hai
Sath hi  muhabbat ka Wasta bhi likha hai

Us ne yeah bhi likha hai ke mairay ghar nahien ana
Aur saaf lafzoon main rasta bhi likha hai

Kuch haroof likhay hain Zabet ki naseehat main
Kuch haroof main us ne hosla bhi likha hai

Shukriya bhi likha hai dil se yaad kernay ka
Dil se dil ka kitna hai Fasla bhi likha hai

Teray rooth jannay se
Koi Faraq Nahien Paray ga
Phool bhi khilien gay
Taray bhi chamkien gay
Meena bhi barsay gi
Haan mager kisi ko
“Muskurana bhool jaye ga”